“Xudahafiz” deyək, gəl halallaşaq,Daha ayrılıqdı, köçdü, a dağlar.Soldu gül, nərgizin, döndü xəzələ,Pozuldu işrətin, keçdi, a dağlar.

Zənbur sızıldaşır şan üstə bala,Alladıb çoxların qoyubsan dala,Bənd olma dünyada dövlətə, mala,Axır aqibətin puçdu, a dağlar.

Keçdi novbaharın, yazın qış oldu,Çərx hərləndi, ömür qəmə tuş oldu,Miskin Abdal, xəyalların puç oldu,Dolanıb güzarım düşdü, a dağlar.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar