Sevdiciyim, məndən sənə əmanət,Hər yetənə, yalançıya aldanma.Azdırarlar, fərar edər xasiyyət,Hər gördüyün dilənçiyə aldanma.

Üç-dörd arşın bekar çitdən ötəri,Bir girvənkə şəkər, qənddən ötəri,Ağı olmuş beş qənfitdən ötəri,Hər çərçiyə, dükənçiyə aldanma.

Molla Cuma səni sevdi əzəldən,Əlin çəkməz sənin kimi gözəldən,Evlər yıxan, araları düzəldən,Araçıya, tələçiyə aldanma.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq