Yenə dərdim həddən aşdı,Canım odlara qoşuldu.Bağrı nəmli, gözü yaşlı,Adım, adlara qoşuldu.

Şad könlümə su bağlandı,Ciyərim çarpaz dağlandı.İsmi-pünhan sığallandı,Gedib yadlara qoşuldu.

Molla Cuma dərd yığnağı,Gövdəsi hicran ağnağı,Sər dəhanın boğanağı,Qalxıb badlara qoşuldu.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri