Ayrılıqdan yar mənim bağrımı büryan eylədi
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir. Son beyt məqtədir: şair orada öz təxəllüsünü çəkir.
Ayrılıqdan yar mənim bağrımı büryan eylədi,Özünü bir yana saldı, məni bir yan eylədi.
Zə’fərana bənzimi döndərdi ol birəhm yar,Düşmənin xəndan edib, dostunu giryan eylədi.
Aldı könlüm, qılmadı ol bivəfa bir kəz vəfa,Yıxdı mə’mur şəhrini, gör necə viran eylədi
Canımın zəxmindən, ey can, xab gəlməz eynimə,Cigərimdə zəxmi-peykan, tiri-müjgan eylədi.
Eşidərsə daş ərir həsrətdə ahü zarımı,Ol güləndam yarı gör, könlümü zindan eylədi.
Cəhd qıldım çox, vüsalə yetmədim, çəkdim fəraq,Tədbir ana neyləsin, təqdiri-yəzdan eylədi.
Məqtə — şairin təxəllüsü olan son beyt. Ey Nəsimi, sübhdəm var, ərz qıl dildarə sən,Qəmzəyə versin nəsihət, yoxsa çox qan eylədi.
Kitabxana.az · https://kitabxana.az/works/nasimi-ayriliqdan-yar-menim-bagrimi-buryan-eyledi
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Eşq
Genə bicarə konul duşdu bir əyyar əlinə,Rəhmi yox, mohnəti cox, şuxi-sitəmkar əlinə.
HandadıEy ağalar, həsrətini çəkərəm,Bu mələk mənzərim bilmən handadı.
Qəzəl: Qəza surətgərin gəl gör nə xoş çəkmiş bu tuğranıQəza surətgərin gəl gör nə xoş çəkmiş bu tuğranı,Yazub dibaceyi-hüsnündə: haza Yusifi-sani
DərdimBadi-səba, Yaradanın eşqinəEylə nəhan, söylə yarə dərdimi