Almas İldırımın adına küçə! –keçirəm, ildırım içimdən keçir.Bu necə millətdi, ilahi, necə?ocağı söndürüb külə and içir.

Natiq əl-qolunu yelləyir yenə,hər sözü “mərmidir”, “güllədir” yenə.Lenin Sarayında əl gedir yenə,hakim fərman verib, kölə and içir.

Özgəni doyurub ac qaldı vətən,meydana axışır ölkə yenidən.Əsrin əvvəlində inqilab edən,əsrin axırıdır... hələ and içir.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən