Səni qaldıranacan,can verdik, nə qədər can.Məzar-məzar gətirdik,səngər-səngər ötürdük.Belimizə bağladıq,qoynumuzda saxladıq.– Bir kərə qalxan bayraqbir daha enməz, – dedik.Millətin andıydı bu,bu andı dinməz dedik.Bir bayraq qalxsın deyə,milyon əl qalxdı göyə.O gün göründü vətən,dünyanın hər yerindən.Görmədi bu günləri,Qarabağ şəhidləri,

Səttarxan, MəmmədəminBu da sənin taleyin.Allah, Allah bu bina,bu binada bu bayraq,necə əzizdir Allah!Tərcümə olunacaqrusun, farsın dilləri,Sərhəd boyu ləkələr.Bu bayrağın dilindədanışacaq ölkələr.Tehran... bizim səfirlik! –dünya mənə sirr gəlir.Qalx ayağa, şairim,görüşə səfir gəlir!

fevral, 1993

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri