Sənə qul deyəni qul kimi öldür
Gəl mənim “qul” balam, “qul” pəhləvanım,qullar bazarında necəsən oğlum?O yandan qovdular, bu yana qaçdın,bu yandan hayana qaçasan, oğlum.
Azadlıq olalı, sən qul olmusan,dövlətin varlıdı, yoxsul olmusan.Pulsuzluq dərdindən pul-pul olmusan,bir qalıb, canından keçəsən, oğlum.
O kürək səndədi, əzələ səndə,bir hünər görməyir göz hələ səndə.Hardandı bu qədər hövsələ səndə,sanma ki, tənhasan, təkcəsən, oğlum?!
Sən yaşamaq üçün əlsən-ayaqsan,nə vaxt ölmək üçün yaşayacaqsan?Nə vaxt şəhidlərə qovuşacaqsan,nə vaxt gedəcəksən öncə sən, oğlum?!
Spartak qul idi, dilində cahat,o qalxdı, diz çökdü Romada senat.Qulları döyüşə çağırır həyat,qısılma daldaya, küncə sən, oğlum.
Çamadan götürmə, get silah götür,bağında-bağçanda bayquşlar ötür.Sənə qul deyəni qul kimi öldür!gərək torpaq andı içəsən, oğlum.
Kitabxana.az · https://kitabxana.az/works/neriman-hesenzade-sene-qul-deyeni-qul-kimi-oldur
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Dad əlindən sənin yaman həmsayəHaqq rəhmət eyləsin bədirnsayə
Söhbəti hal əhlinin ruhə təravət verirSöhbəti hal əhlinin ruhə təravət verir,Ruh təravətli, həm cismə zərafət verir.
Maral gözlümAh çəkib qan yaş tökrəm,Səndən ötrü maral gözlüm,
Bax fələk Şamdə bir zümreyi-kafər yerinəBax fələk Şamdə bir zümreyi-kafər yerinə,Künci-viranədə həm Ali-Peyəmbər yerinə.