Bağışla məni
Yerin, Göyün, ərşin, kürsün nizamı,Əvvəl, bu cahana bağışla məni!Alimlər dilində, mömin əlindəOxunan Qurana bağışla məni!
Mən aşığam cahanı,Gəzdim qəmli cahanı.Mədəd eylə, şəfa qıl,Xəlq eyləyən cahanı!
Xatəm əl-nəbinin taci-sərinə,Şəmsi-vəzzühaya, il qəmərinə,Müqərrəb mələyin zərrin pərinə,Gəzəydi hər yana bağışla məni!
Aşıq deyər, hər aya,Nəbi oxur hər aya.Canım xəstə, çağırramMərd ağasın haraya.
Sirri-xəfiyyəyə olan sirdaşa,Yaranmışa şölə verən ataşa,Dəryana, çeşmənə, dağınan daşa,Cümlə olan cana bağışla məni!
Mən aşığam dəryaya,Qəvvas oldum dəryaya,Rəhmə gəl, bir ilahim,Məni atma dəryaya!
Beyt əl-müqəddəsə, mədhi-mövlaya,Məscidül harama olan binaya,Künbədül Xizraya, məscid ƏqsayaYığılan mehmana bağışla məni!
Mən aşığam əlaya,Vəsfin dildə əlaya.Bağışla beyti-Allaha,Həmi ərşi-əlaya!
Mədəd eylə, ey kərimi-zülcəlal!Sənin şənindədi əsli-layəzal.Xəlq olan heyvana - qoyununan mal,Cinn ilə insana bağışla məni!
Mən aşığam, sübhanı,Haqq billəm Quranı.Müşgül işi düzəldənSənsən, kərəmin kam.
Meraci-nübüvvət, taci-zülkərəm,Kövkəbü əxtəran, nəcmi-möhtərəm,Dərgahi-vilayət, şahi-vəlhərəm,Ol Şahi-Mərdana bağışla məni!
Mən aşığam mərdana,Doğru gərək mərdana.Əfv qıl Mustafaya,Əli- Ş ahi-Şərdana!
"Kün" dedin, yarandı külli-kainat,Hökmündə dolanır ərzü samavat.Qiyamət günündə oxunan ayat,Qurulan divana bağışla məni!
Aşıq deyər, ilahi,Gün həsrəti, il ahı.Hökmün salıb əyana,Qərar tutan ilahi.
Dəşti-Kərbəlaya, Nəcəf şahına,On səkkiz min aləm mehrü mahına,İbrahimxəlilin qibləgahına,Verdiyi qurbana bağışla məni!
Aşıq deyər, minaya,Zikr elədim min aya.Bağışla, kərəm kanı,Həm Məkkə, həm Minaya!
Yüz iyirmi dörd min cəm ənbiyaya,Vəliyyi-Xudaya, həm övsiyaya,Xəməssəl nücəba - Ali-Əbaya,Şərh olan bəyana bağışla məni!
Aşıq oda qalandı,Qəlbi aləm dolandı.O günlərə bağışla,Cümlə əziz olandı!
Cəlali-şənində eyni-vəlikram,Qədimi səndədi ümdətül ehkam."Kün" dedin, yarandı, həyyi-layənam,Ərşlə asimana bağışla məni!
Aşıq deyər, ayalar,İl gərdişdə ay alar.Sənindi külli aləm,Hər hökmlər, ayalar.
Biçarə İmanam, ey kərəm kanı,Bilirəm, axırda dünyadı fani.Rəhm eylə, bəndənin çoxudu üsyanı,Cənnəti-Rizvana bağışla məni!
Aşıq deyər, azadam,Sübüt eylər az adam.Günahkar, nə günahsız,Nə xəstə, nə azadam.
Kitabxana.az · https://kitabxana.az/works/novres-iman-bagisla-meni-2
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · İlahi eşq
Lütf et, gözəlim, dərdi-dilə çarə əta qıl.
Bir qəndildən bir qəndilə taxıldımBir qəndildən bir qəndilə taxıldım,Türab olub yer üzünə yaxıldım,
Küçük bir levhəEhtizaz etmədə hər yanda behişti-nəfəxat,Oqşuyor səhn çəmənzarı yenə ruhi-bahar.
Bax (Qaranı)Qul Qaranı:*Ey könül, oyan qəflətdən, ol dəmi-dövrana bax,