Bir maralı əldən gedən səyyadam,Hey gəzirəm bu dağları, görünmür.Həsrətindən çox qəmginəm, naşadam,Var sinəmdə nə dağları, görünmür.

Firqətli Məcnunam, Leyli sorağım,Ləhcəli bülbülüm, zinətli bağım,İstəkli cananım, işrətli çağımUnudubdu yaylaqları, görünmür.

Xudaya, rəhm eylə, özün təhrə çək,Zikr olur kalamın dilimdə tək-tək.Belə intizarlı Novrəs İman təkGözü yolda var ağları, görünmür.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · İlahi eşq