Gəlsin!
Mənimlə xoş məclis qurmaq istəyənQoy Ocaq dağının başına gəlsin!Əgər Oyuqluda yorulsa atı,Barı Divəklinin qaşına gəlsin!
Mənim Telliqayam, Dəvədaşım var,Hər yerdə öz dostum, öz sirdaşım var...Bizim oylaqlara gəlməsin yadlar,Mehriban dost gəlsin, aşina gəlsin!
Mənasız keçməsin bir an ömür-gün,Yaşıl bir talada toy oldu bu gün.Ürəkdən istərdim, belə toy-düyün,Əryən cavanların başına gəlsin!
Dağlar zirvəsidir eşqim vüqarı...Sözümdən incisə könlümün yarı,Qoy elə çəksin ki, qoşa yayları,Nizə kirpikləri qaşına gəlsin!
Kim hünərlə vurur iş külüngünü –Dağ çapır həftənin altı gününü.Haqqı var, kef üçün, yeddinci günüMehriban bulağın başına gəlsin.
Nə yazın dərdi var, indi nə qışın,Bu gün siz nişandan, toydan danışın!Məclisdə əyləşən dostun, tanışınİstərəm bu mahnı xoşuna gəlsin!Kirovakan, 1961
Kitabxana.az · https://kitabxana.az/works/osman-sarivelli-gelsin
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Bir kimsə ki şəhadəti bilməyə,Qul əuzü rəbbin-nası nə bilsin,
CavabEy Mahmud, bigəm məxdumi-əkrəm,Eşitdim hər nə ki dövran olubdur,
Dilim yansın əgər dildən deyənı gəl tərki-naz eyləDilim yansın əgər dildən deyəm gəl tərki-naz eylə,Vəli, dildə təhəmmül qalmayıb, bir qədri az eylə!
Deyişmə— Xurşid:Aman Çoban, mən yarımı ararəm,