Nu zaes, poqodi!
Gedirik bir təzə dovranə, nu zaes poqodi,İlimiz adladı dovşanə, nu zaes, poqodi!
Keçən il «milli pələnglər» bizi «nəm-nəm» elədi,Daha yem olmarıq aslanə, nu zaes, poqodi!
Qarabağ davası bir «Yorğa»nın üstündə imiş,İlişib qaldı o, yorğanə, nu zaes, poqodi!
Sənə qaç-qaç dedilər, tazıya tut-tut dedilər,Basdılar axırı zindanə, nu zaes, poqodi!
Açginən şampanı, «əfv» eşqinə məhbuslar üçün,Salginən onları şampanə, nu zaes, poqodi!
Bağda-bostanda bizim, qalmamış olmaz kökümüz,Girərik bir gecə bostanə, nu zaes, poqodi!
Demədim mən sənə ki, at «İliçin şalbanını»?Girmisən sən yenə şalbanə, nu zaes, poqodi!
Az.TV-dən uzaq ol ki, canavar pusqudadır,Başıvu soxma bu ekranə, nu zaes, poqodi!
Bizə «top»nan vurana, biz də kəmərnən vururuq,Bizi tay eyləmə çurbanə, nu zaes, poqodi!
Yetişər dövri-qiyamət, atılar İblis oda,Oxunub hökm, həmən anə, nu zaes, poqodi!
Bizi agah eləyən Nostradamus özü də,Tapınıb İncilə, Quranə, nu zaes, poqodi!
Köçəcək cəmi müqəddəslər Ərəbdən Əcəmə,Güləcək bəxt hər insanə, nu zae, poqodi!
Sözüm haqq isə əgər, qovsa məni külli-bəşər,Çata bilməz Baba Pünhanə, nu zaes, poqodi!
25 dekabr 1998. Bakı
Kitabxana.az · https://kitabxana.az/works/punhan-nu-zaes-poqodi
← → düymələri ilə keçid, R — təsadüfi şeir
Müəllifin digər əsərləri
Ey çərxi-fələk, bir belə dövranına bir qoz,Şeytan oturan çərxi dəyirmanına bir qoz.
Meymun olmuşuqBir zamanlar biz əsiri-eşqi-Məcnun olmuşuq,İndisə bir fahişə mislində məlun olmuşuq.
Hinger Hayıstan güdürükGüdürük, can güdənik canı qoyub can güdürük,Özümüzkün havayı, özgəni pulnan güdürük.
Zəhləm özümdən gedirDiş tökülür, bel sınır, nur gözümdən gedir,İt gününə düşmüşəm, zəhləm özümnən gedir.
Başqa şairlərin şeirləri
Babat babat yüz min mənim dərdim var,Kimə deyəm yana yana dərdimi
Seyri-gülşən etsən, ey gülüzarımSeyri-gülşən etsən, ey gülüzarım,Bülbül oxur, bağlar sədayə düşər,
HarasındadırTərlan quşum itirmişəm, araram,Görüm bu dağların harasındadır
Deyişmə: Bulaq üstə duran gözəl— Lətif:Bulaq üstə duran gözəl,