Olmamışıq cisimdə bir can kimi,Dolmamışıq əqlə bir insan kimi.

Bir-birini çeynəmişik, didmişik,Tülkü tutub hammızı dovşan kimi.

Qardaşımız ölsə də qan vermərik,Bizdə paxıllıqlar axır qan kimi.

Erməni Xankəndinə tanklar yığır,Biz yubileylər edirik xan kimi.

Laləlidir Kəlbəcərin çölləri,Qanlar axıb üstünə leysan kimi.

Əsri-müsəlman gələcək haqdı bu,Olmaginən əsrə nigaran kimi.

Haqq zühur eyləyəcək axırı,Püskürəcək aləmə vulkan kimi.

Çox şeyi aşkar dedi Pünhan bu gün,Çox şeyi də saxladı pünhan kimi

19 mart 1997. Bakı

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri