Ay ağalar, ay qazılar,Yar yaman aldatdı məni.Əl atdım yarın dəstinə,Yar kənara atdı məni.

Tor qurdum çeşmim gölünə,İlişdi sonam telinə,Düşdüm dilbilməz əlinə,Aldı, ucuz satdı məni.

Qurbanidi mənim adım,Adəm atadı bünyadım,Şeş atdım, çahar oynadım,Axır fələk uddu məni.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq