Canımı odlara yandırmadasan,Bir deməzsən yaxılar, candır bu!

Sevginin sanma ki dövranı keçib.Ayrılıqla dolu dövrandır bu.

Yenə bülbül şəhid olmuş gül üçün,Yenə həsrətli gülüstandır bu.

Sən sevilmək diləyirsən ancaq,Sevməyirsən, sənə nöqsandır bu.

Köksümü parçalayıb, bağrımı yar,Can de, candan sənə qurbandır bu.

Canı canana verib can bulmaq,Eylə zənn eyləmə asandır bu.

Sən mələksən, səni istərsə ZəkaNeyləsin, adi bir insandır bu.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq