Yurda arxalanıb, ulusa uydum,Çocuqluq çağım keçmiş olunca.Soylu ozanların sazını duydum,Şeir bulağından içmiş olunca.

Yaxına qoymadım saxtakarları,Duyğusu korları, hissi karları,Səslədim ərdəmli sənətkarları,İncini kəsəkdən seçmiş olunca.

Nəsillər dönəcək bizim çağlara,Ağa ağ deyəcək, qaraya qara,Bugünkü ərlərə çatacaq sıra,Bugünlər bir uzaq keçmiş olunca.

Yaracaq zülməti parlaq ağıllar,Gündüzə çıxacaq gözəl cığırlar,Sənət gülşənində köklü oğullarKöksüz alaqları biçmiş olunca.

Ey Zəka, yalanlar silinəcəkdir,Zaman xəlbir kimi ələnəcəkdir,Sənin də kimliyin bilinəcəkdir,Sən gidi dünyadan, köçmüş, olunca.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri