Bir anlıq səadət
Qar yağır lopa-lopa.Pəncərədən baxıram.O çırpınır.Çıxarıb onu isti sinəmdən,bir quş kimi,pəncərədən buraxıram.Gedir qartopu oynamağa.O, mənim çocuqluğumdur.Nə üzündə qırışıqlar,nə gözündə dalğınlıq, kədər.Qar yağır,tökülür çiçək-çiçək.Oynayır o, əlində əlcək.Qaçır, atılır, gülür.Qar yağır.Çiçək-çiçək tökülür.Çağırıram: Ey! Gəl! Gəl!Açıqdır pəncərə.Bir qar düşür ovcuma.Naxışlı bir qar;
gümüş ulduz kimi.Düşür və əriyir.Əriyir qar topu oynayan uşaq da.İndi bir mənəm,bir də əlli səkkiz yazılı təqvim,pəncərəsi açıq otaqda.
Kitabxana.az · https://kitabxana.az/works/resul-rza-bir-anliq-seadet
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Qazılar, sizdə bilin necədir halı Tiflisin,Əkləşüb Sərdar Orbəl cah-cəlalı Tiflisin,
Nolardı məclisimiz bir dəqiqə xəlvət olaydıNolardı məclisimiz bir dəqiqə xəlvət olaydı,Deyib danışmağa cananilən fərağət olaydı.
SəndədirGetmənəm obağdan, çıxmasın adın sənin,Söylənməsin heç bir yerdə yeməli zadın sənin,
Can ilən canan, deyillər, can təmənnasındadırCan ilən canan, deyillər, can təmənnasındadır,Baş verrəm, bilsəm ər, canan təmənnasındadır.