Gül bağçadan boylanan yar,Boyuna qurban mən olum.Özün Gülzar, elin gülzar,Hüsnünə heyran mən olum.

Ağladırsan, ağlat özün,Çağladırsan, çağlat özün.Dağladırsan, dağlat özün,Sinəsi al qan mən olum.

Məmmədhüseyn sənnən doymaz,Özgələrə məhəl qoymaz.Əzabını əzab saymaz,Tək sənə mehman mən olum.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar