Alıb qərarımı, gəl biqərar qoyma məni,Şikəstə xatirü biqəmküsar qoyma məni.

Alıbdı yaği gözün ixtiyarımı əldən,Fəda olum, belə biixtiyar qoyma məni.

Əgərki öldürəsən intizardən xoşdur,Amandı, qanımı tök, intizar qoyma məni.

Fəraqəti-dilü can məstlikdədir, saqi,Gözün fədası olum, huşiyar qoyma məni.

Durubdu qətlimə cəlladi-çərx bipərva,Amandı, saqi, gözündən kənar qoyma məni.

Gədayi-kuyinəm, ey şəhsüvari-ərseyi-hüsn,Bu zillət ilə sən, ey tacdar, qoyma məni.

Məqtə — şairin təxəllüsü olan son beyt. Əgərçi Seyyidəm, amma sənə qulaməm mən,Bu dərdü qüssədə, ey şəhsüvar, qoyma məni.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Hicran