Nə deyim
Sevgilim, mən sənə canan deməyim, bəs nə deyim?Hüsnünü dərdimə dərman deməyim, bəs nə deyim?Bircə sözlə canıma sən təzədən can verdinGündə min yol sənə mən can deməyim, bəs nə deyim?Küsmə məndən, səninəm, bağrıma dağ çəkmə, yetərEtmə can mülkünü viran deməyim, bəs nə deyim?Dikilib gözlərim həsrətlə vüsalın yolunaOlmasın ortada hicran deməyim, bəs nə deyim?Sən canımsan, ciyərimsən, gözəlimsən, gözəlimÖzümə bəxtəvər insan deməyim, bəs nə deyim?Xoş təbəssümlə ayaq basdığın hər məclisə mənGəlib ilhama, gülüstan deməyim, bəs nə deyim?Sevgilim, gül üzünü görmədiyim günlərdəOluram könlü pərişan deməyim, bəs nə deyim?Yox mənim başqa gözəllərdə bilirsən ki, gözüm,Sənə qurban bu Süleyman deməyim, bəs nə deyim?
Kitabxana.az · https://kitabxana.az/works/suleyman-rustem-ne-deyim
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Eşq
Əqlimi ey guli-xəndan,Atdın həvayə-həvayə.
QarğışMəndən yüz döndərən zalım bivəfa,Səni görüm bir azara gələsən,
Sufiyə səf ol bu gün çün rəh-i ərkan səndədirSufiyə səf ol bu gün çün rəh-i ərkan səndədir,Çünki tövhid əhlisən, din ilə iman səndədir.
Könül, bu gün ki, müyəssərdi vəsli-yar sənəKönül, bu gün ki, müyəssərdi vəsli-yar sənə,Təqafül etmə, baxar kəc bu ruzigar sənə.