Bu sözüm əfsanə yox, yalnız həqiqətdir, oğul,Millətə namusla xidmət, bir səadətdir, oğul...Dostluğa, qardaşlığa and içmisən, əhsən sənəAtdığın bu yaxşı addım, ömrə zinətdir, oğul.Andına sadiq vətənpərvərliyində möhkəm ol,Andı pozmaq məncə dəhşətdən də dəhşətdir, oğul.Qoy vüqarın qol-qanad açsın, baharın lalələr,Millətin çünki qızıl bayraqlı millətdir, oğul.Mən Süleyman Rüstəməm, eldir, vətəndir, varlığım,Can evimdə ən böyük nemət bu sərvətdir, oğul.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar