El nəzəri üstündəsə,Sənə dövlət, var deməkdiBaxma düşüb dən saqqala,Dağ başında qar deməkdi,

Kəc baxarsa sənə zaman,Dözməlisən ovsanmadan,Qəfəsdəsə tülək tərlan,Oylağında sar deməkdi.

Fikir vermə hədyan sözə,Şəfa verər elm gözə,Babalardan qalan bizə,Namus, qeyrət, ar deməkdi.

Şər işlərdən gəl ol qıraq,Həqiqət axtaran qoçaq,Qulağınla eşit ancaq,Ya gözünlə gör deməkdi.

Sənətkarın var hörməti,Çəkməz kimsədən minnəti,Kimin olsa səxavəti,Mövlam ona yar deməkdi.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri