Bu gün fitlər gün doğmadan səsləndi,Dəniz coşa gəldi, göllər tərpəndi.Təkərlər oxudu, zindan can dedi,Qəlbimə zəhmətdən bir fərəh endi.

“An”lar keçir, dəqiqələr yürüyür...Kürələr ağzından atəş püskürür.Seçmək olmaz usta kimdi, fəhlə kim,Bu sevgiyə, eşqə təkərlər gülür.

Təkərlər fırlanır, zindan hayqırır,Zərbəçi qolları düşməni sıxır...Qabarlı əllərdən, gülər üzlərdənBir an keçir yeni bir alət çıxır.

Çəkicini bərk vur, zərbəçi yoldaş,Əks-səda versin sənə dağü daş.Sosializm tarixinə yazılır səninÇəkdiyin zəhmətin, qan-tərin, qardaş!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq