Ey güli-xəndan, fəraqından sənin qan ağlaram,Eylərəm şamü səhər çaki giriban ağlaram.

Gedəli zülfün əlimdən, piçü tabə düşmüşəm,Dönmüşəm bir muyə, çox halı pərişan ağlaram.

Gəl kim, ey lalə zənəxdanın, kəbab etdi məni,Od düşübdür cismimə, hərdəm yanar can, ağlaram.

Yadıma hər bir düşəndə ol siyah kirpiklərin,Sanasan ki, sancılar bağrıma peykan, ağlaram.

Məqtə — şairin təxəllüsü olan son beyt. Yaxşı həmdəm olmasa şad olmaq olmaz, Vaqifa,Ağlaram ta ömrüm olduqca firavan, ağlaram.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq