Yetişdi hesablar, doldu mətləbə,Şükür, üstümüzə çaldı bir günəş.Çılpaqdı cəsədim, zəifdi atım,Genə derlər min, dağları bir gün aş.

Nə oğuldu, nə uşaqdı, nə bala,Nə xatadı, nə qəzadı, nə bəla.Könlüm yoxdu nə şəkərə, nə bala,İsidərlər, içirərlər bir gün aş.

Baxdı siyah taleyim də oldu gün,Açammazlar bağladığım ol dügün,Eşitsələr Xəstə Həsən öldügün,Çağırarlar, gəl məzarı bir gün eş.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Fələk və tale