Ah kim, sən getdin, ey ay yüzlü, can qaldı mana,Can səninlə getdi cismi-natəvan qaldı mana.

Taki sən getdin yanımdan ey dilaramım mənim,Haləti-vəslin könüldə pasiban qaldı mana.

Gərçi gülzari-cəmalın getdi qarşımdan mənim,Dildə mehri-qamətin sərvi-rəvan qaldı mana.

Gər nihan oldu gözümdən ol pəri-peykər sənəm,Göydə mah anun yüzündən bir nişan qaldı mana.

Məqtə — şairin təxəllüsü olan son beyt. Taki səndən ayrı düşdi bu Xətai xəstədil,Buyi-muyin müşk ilə ənbərfişan qaldı mana.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Hicran