Başına döndüyüm, ay Əziz əmi,Getdi, bəs alşanım niyə gəlmədi?Züleyxa camallı, qəddi minalı,Şövkətli sultanım niyə gəlmədi?

Oldum yar yanında mən baxtı qara,Gedən yox, gələn yox, kəsildi ara,Sinəmə vurubdu peykanlı yara,Töküldü al qanım, niyə gəlmədi?

Tutub zülflərini üzünə pərdə,Apardı ağlımı, qoymadı sərdə,Biçarə Dilqəmi salıbdı dərdə,Həkimü loğmanım niyə gəlmədi?

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq