Ulu tanrı xoş nəzərlə baxanda,Vədəsində canı cana çatdırar.Xoşbəxtliyi Allah özü göndərər,Bir günə yox, bircə ana çatdırar.

Qəlbin dostu, könüllərin yarıdı,Məhəbbətin meyvəsidi, barıdı.Öz işində hər şair bir arıdı,Uça-uça balı şana çatdırar.

Haqq yolunda ipə dönüm, incəlim,Halal sözün havasında dincəlim.Ay Zəlimxan, saf ürəyim, dinc əlim,Bir gün məni yaradana çatdırar.

2006, may

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · İlahi eşq