Kim sındırıb könlümü,Qəlbə dəyən daş dedi.Nədən yanır ürəyim,Gözümdəki yaş dedi.

Od yandırdı zəmini,Su batırdı gəmini.Bir dünyanın qəmini,Bir çatılan qaş dedi.

Duman gəlir, çən gəlir,Dərdə yol açan gəlir.Qocalıq haçan gəlir,Candakı təlaş dedi.

Bilirəm xislətini,Budur işin çətini.Düşmənin niyyətiniZəhərlənmiş aş dedi.

Yerdə kim, zirvədə kim,Ürəklərdə zədə kim.Dədə kimdi, gədə kim,Barışla savaş dedi.

2000, 25 avqust

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri