Yükü çəkə bilməyəndə,Dərdin birə min görünür.Əlin çatmır Allaha da,Nə Tanrı, nə din görünür.

Yırtılır üzdəki pərdə,Doy gələ bilmirik dərdə.Gözümüzdə mələklər də,Şeytan olur, cin görünür.

Duman bizi bürüyəndə,Dağdan-dağa sürüyəndə,İçərimiz çürüyəndə,Çölümüz miskin görünür.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · İlahi eşq