Gözdə qəhər olanda,Göz adamı göynədir.Dildə zəhər olanda,Söz adamı göynədir.

Can sınıb söküləndə,Dərd göydən töküləndə,Vədəsiz büküləndəDiz adamı göynədir.

Bəxt dönəndə qaraya,Çatan olmur haraya.Səpiləndə yarayaDuz adamı göynədir.

Qəm nə pis vaxta gəldi,Şah oldu, taxta gəldi.Elə ki, şaxta gəldi,Buz adamı göynədir.

Kədəri atmaq olmur,Ömrü yaşatmaq olmur,Əlliyə çatmaq olmur,Yüz adamı göynədir.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri