Qoynuna baharla qoşa gəlmişəm,Dağlar, yanaqların yansın, al olsun.İzin ver, eşqinə bir hava çalım,Hər bulaq sazımda şirin xal olsun.

Duruşun döndərsin qəlbimi dağa,Dolanım üstümə nur yağa-yağa.Sarı çiçəklərin dönsün qaymağa,Gül pətək olanda, şeh də bal olsun.

Sevinc yaşlarımı duy gilə-gilə,Yanğımın üstünə sərinlik çilə.Hüsnün dilsizi də gətirsin dilə,Sənə bu gözəllik qoy halal olsun!

1976, 28 fevral

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar