Aşıq, bir qaydalı “Kərəmköçdü” çal,Duyğular alışsın neçə pərdədə.Amandı, dilbilməz saza dəyməsin,Endirər havanı heçə pərdədə.

Saxlasın aşiqin dolu dilləriGöydə durnaları, yerdə selləri.Elə göynədəsən gərək telləri,Kərəm yanğısını keçə pərdədə.

Fürsət tez keçəndə az düşür ələ,De görüm, dağlarda neyləyir lələ.“Şah pərdə” şahını gözləsin hələ,Yandır Zəlimxanı “Beçə pərdə”də.

1975, 3 oktyabr

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri