Ağbabalı Adil üçün

Qardaş, ağır oldu həsrətin mənə,Ürəyim ağrıda, göynəkdə qaldı.Yeriyib, yüyürüb ayaq açmadı,Körpə arzuların bələkdə qaldı.

Yetişəndə ölüm, yeriyəndə çən,Dayandın yenə də gülərüzlü, şən.Doymadın çəmənin təravətindən,Gözün güldə qaldı, çiçəkdə qaldı.

Gecələr gözlərin yuxu yatmadı,Səni çox çağırdım, səs oyatmadı.Bir hava çalmağa vaxtın çatmadı,Sazın həmişəlik köynəkdə qaldı.

1977, 11 aprel

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar