Qoşqar ucalığı
Gör hansı dağların zirvəsindəyik,Gör bizi haraya qaldırıb fələk.Bu yerə iblislər əl ata bilməz,Burda sirdaşımız peyğəmbər, mələk.
Tanrının dilində səslənsin adım,Ucalıq adlanan nemətdən dadım.Şeiri burda yazım, burda yaradım,Göylər söz endirsin, durnalar lələk.
Xəbər ver gizlindən, aşkardan mənə,Yaz güldən pay olsun, qış qardan mənə.Allahım, murad ver Qoşqardan mənə,Ruhumdan meh öpsün, alnımdan külək.
Boyumun üstünə boy burda gəlsin,Nişan burda gəlsin, toy burda gəlsin.Ölüm gələndə də qoy burda gəlsin,Tabutum gül olsun, kəfənim çiçək.
Daşkəsən, 2009, 14 avqust
Kitabxana.az · https://kitabxana.az/works/zelimxan-yaqub-qosqar-ucaligi
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · İlahi eşq
Bir qulaq ver mənə, ey sahibi-əqla və şüura,Gözün aç, seyr elə bu aləmi dəhra və dühura,
Bir qəbir yeriDünyaya gəlməyin bircə an ola,Gələsən, görəsən, gülüb gedəsən.
Müxəmməs: Dila, etmə təvəqqe rastguluq qanda qalmışdırDila, etmə təvəqqe rastguluq qanda qalmışdır,Qərinə özgədir, onlar keçən dövranda qalmışdır,
نسیم الصبا قادم اذ تبسمفقدم و قل للصبا خیر مقدم