Eşqimi dağlara verən gözəlim,Bu dəfə yolunu bizdən salarsan.Çox da yüksəklərə getməsin ağlın,İndi də meylini düzdən salarsan.

Gələrsən, qızarıb söküləndə dan,Közərəndə könül, alışanda can.Mənim yorğanımı oddan-alovdan,Mənim döşəyimi közdən salarsan.

Sükut meydanında xəyal yas tutar,Gəlməzsən, sinəmdə ürək pas tutar.Hardasa gözünü ehtiras tutar,Gözlə, məhəbbəti gözdən salarsan.

1975, 4 sentyabr

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri