Göylərin bəxtəvər çağı,Ulduz ulduzu çağırır.Elə bil ki, gecə vaxtı,Hər oğlan bir ulduz olub,Sevdiyi qızı çağırır.

Dağa çıxsaq, külək bizim,Düzə ensək, çiçək bizim.Gözəllər ulduz topası,İçində bir mələk bizim.Hara getsək, harda olsaq,Sevənlər bizi çağırır.

Bir ulduz da mənimkidir,Göylər mənə açıb yaxa.Ulduzları düşünürəm,Ulduzlara baxa-baxa.

2001, 5 yanvar

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq