Mən burdayam, sən orda...Yenə hicran, yenə qəm...Yerdəyəmmi? - bilmirəm,Göydəyəmmi? - bilmirəm...Aramızda sədd kimi,uçrum kimi dayananBu uzun yollar deyil,Gülüm, zamandır, zaman!..

Məhəbbətimiz qədərƏzabımız var bizim.Aramızda dayanmırBu uzun yollar bizim!..Aramızda dayanırNeçə-neçə il, gülüm,Neçə-neçə ay, gülüm!Bu ayları, illəriFikrimin sürətiləNecə udum, ay gülüm!Bizim istəyimizləQara dönüb ağ olmur!Yolu qısaltmaq olur,Vaxtı qısaltmaq olmur.

Uzun yollar, dolaylarƏgər olsaydı dərdim,Mən onları kəmərtəkBelimə dolandırıbNöqtəyə döndərərdim!

Avqust, 1965

Use ← → keys to move, R for a random poem

Random poem

More by this author

Poems by other poets