Bir üzüm sevincdir, bir üzüm kədər,Siz hər ikisindən qoruyun məni.Bu günü də yola saldım bir təhərSiz sabahı gündən qoruyun məni.

Ürək var daima həsrətdə olur,Yaxşı da, yaman da qismətlə olur.Bu pisə bir təhər dözmək də olur,Ondan da pisindən qoruyun məni.

Beləcə yaranıb bəşər qədimdən,Doğulduq analar məhəbbətindən.Tək bircə onların kin-nifrətindən,Onların hirsindən qoruyun məni.

Heç zaman raketlər atılmayacaq,İnsanlıq tükənib qurtulmayacaq.Bir paxıl, bədnəzər tanıram ancaqOnun bəd gözündən qoruyun məni.

Bu sözü bəlkə də bir çoxu deyib,Yaxşıya, yamanın yüz oxu dəyirİblis də, şeytan da qorxulu deyil,İnsan iblisindən qoruyun məni.

Həyat nə deməkdir-əzab, işgəncə,Yaşamaq hər şeydən çətindir məncə,Bəlkə də ömrümə çəkildi əncam,Həyatın özündən qoruyun məni.

Use ← → keys to move, R for a random poem

Random poem

More by this author

Poems by other poets