Rus qışı
(lövhə)
Bizim cır alçanın gülləri kimiYerin sinəsinə səpələnir qar,Qızıl şal altdakı telləri kimiQalır qar altında yollar, cığırlar.
Salxım sırsıralar qatar-qatardır,Seyrinə daldıqca açılır ürək.Hava fərəh verir, sinə qabardırSergey Yeseninin şerləritək.
Görünməz bir əllə saxlayıb şaxtaBulanıq suyunu axan çayın da.Başını əyərək bir az uzaqdaDurur ağ sinəli ağcaqayın da.
Nə bir ot görünür, nə quru torpaq,Hər şey qoynundadır qırovun, qarın.“Bahar bizimlədir!” – söyləyir ancaqYaşıl iynələri şamın, küknarın.
Moskva, dekabr, 1958
Kitabxana.az · https://kitabxana.az/en/works/eliaga-kurcayli-rus-qisi
Use ← → keys to move, R for a random poem
More by this author
Poems by other poets
Bir qulaq ver mənə, ey sahibi-əqla və şüura,Gözün aç, seyr elə bu aləmi dəhra və dühura,
Gəraylı: Məni eşqə salan dilbərMəni eşqə salan dilbər,Sən ha belə deməmişdin,
FələkƏlindən eylərəm kimə şikayət,Axır məni xar etdin fələk,
SöküldüAğzın bal dilin şəkər Mahtab,Yenə ciyərimin başı söküldü