Əksi-rüxsarın ilə oldu müzəyyin mirat,

Bədəni-mürdəyə feyzi-nəzərin verdi həyat.

Bənzədərdim qədi-mövzuninə fil-cümlə əgər,

Can içində əlif etsəydi qəbuli-hərəkat.

Xət bu məzmun ilədir tərfi-zənəxdanında

Ki, bu zindanın əsirinə yox ümmidi-nəcat.

Kakilin qıldı müqərrər mənə sərgəştəliyi,

Deməsin kimsə ki, var gərdişi-gərdunə səbat.

Qəmzə peykanin edər aşiqə çeşmin sədəqə,

Öylə kim, mərdümi-münim verə möhtacə zəkat.

Afərin cövhəri-məqbulinə kim, aləmdə

Mümkün olmaz bu sifat ilə ki, sənsən bir zat.

Ey Füzuli, vərəü zöhd ilə mötad oldun,

Bilmədin halını, bihudə keçirdin ovqat.

Use ← → keys to move, R for a random poem

Random poem

More by this author

Poems by other poets