Qansı mahin bilməzəm mehrilə olmuş zar sübh,

Hər gün eylər xəlqə bir daği-nihan izhar sübh.

Batdı əncüm, çıxdı gün, ya bir əsiri-eşqdir,

Tökdü dürri-əşki, çəkdi ahi-atəşbar sübh.

Nola gər əmvatə ehya versə sübhün dəmləri,

Zikri-ləlindir kim, eylər dəmbədəm təkrar sübh.

Bir müsəvvirdir ki, zərrin kilk ilə hər gün çəkər,

Səfheyi-gərdunə nəqşi-arizi-dildar sübh.

Müjdə bir xurşiddən vermiş məgər badi-səba,

Kim nisyə eylər ona yüz min düri-şəhvar sübh.

Aşiqi-sadiqdir, izhari-ğəm eylər hər səhər

Ah ilə xəlqi yuxusundan qılır bidar sübh.

Ey Füzuli, şami-qəm əncamına yoxdur ümid,

Bir təsəllidir sənə ol söz ki, derlər var sübh.

Use ← → keys to move, R for a random poem

Random poem

More by this author

Poems by other poets · Love