Ləbin əksi gözüm yaşini mey tək laləgun etdi,

Zənəxdanın muradım dəstgahın sərnigun etdi.

Sənə əksin müqabil durduğiçün hüsn lafilə,

Onu cam içrə qeyrət qərqeyi-girdabi-xun etdi.

Özün nisbət qılırdı zülfünə zəncir hər saət,

Bu sövdalər onu sərhəlqeyi-əhli-cünun etdi.

Onun tək kim, pərişanlıq ziyasın artırır şəmin,

Mənə cövrün ziyad olmaq, sənə meylim füzyn etdi.

Müjən xəncərlərin könlüm basır bağrına, vəhm etməz,

Ona cadu gözün guya ki, təlimi-füsun etdi.

Bəqayi-surəti-Şirin üçün tövfiq memarı,

Binayi-eşqi-Fərhadın asasın Bisütun etdi.

Füzulidən səbatü səbrü cövrü qəhr az istə

Kim, ol biçarəyi dərdü qəmin bihəd zəbun etdi.

Use ← → keys to move, R for a random poem

Random poem

More by this author

Poems by other poets · Love