Bəşər
Bəşər! Ey canlı bir hikmət, böyük qüdrətlərin vardır,Böyük əqlin, böyük fikrin, böyük qüvvətlərin vardır.
Dimağın bir xəzinə, yə'ni bir gəncineyi-əfkar,Tükənməz, bitməz, işte bitsə də, bitməz olan əbhar!
Sənin sən'ətlərin ciddən tənahinapəziradır,Sənin nami-büləndin, ey bəşər, ülviyyətaradır.
Kiçik bir varlığın vardır, böyükdür lakin idrakın,O göylərdən də yüksəkdir sənin ruhani əflakın.
Dənizdə torpağı minqadi-fərman eylədin, indi –O yüksək göylərə açmaqdasan şəhbali-ümmidi.
Sənin məfkurən, ey insan, demək ki, sığmayır xakə,Onun üçün də çıxmışsan şücaət ilə əflakə.
Yeri, dəryanı, təsxir eyləmişdin, indi var balın,Əvət, bundan da yüksəkdir sənin şəhbali-iqbalın.
Təkamülyabi-fikr olduqca, ey səyyari-cür'ətkar,Təbiət sinəsində indilik məstur olan əsrar –
Birər ərzi-cəmal eylər, çıxarlar səhni-dünyayəOlursan hakimi-mütləq təmamən ruhi-əşyayə.
Proskurov
Kitabxana.az · https://kitabxana.az/en/works/hadi-beser
Use ← → keys to move, R for a random poem
More by this author
Poems by other poets
Əlif Allah ilə yad etdim mən Allahu əkbəri,Bəqayi-lə-yəzəldir fani olmaqdan bəri,
ŞəltükQutarmışdıq hər əngəldən, gənə bir əngəlim çıxdı,Cənabın bəxş edən şəltük içindən çox bəlim çıxdı.
بس لابه که بنمودم و دلدار نپذرفتصد بار فغان کردم و یک بار نپذرفت
YatarlarSəhərdən oğradım məzərisdana,Əlini dünyadan çəkmiş yatarlar.