Soyuyur cığırım, üşüyür izim,Budaqda titrəyən yarpaq görünür.Dərəyə enirəm, qatlanır dizim,Zirvəyə qalxıram, uzaq görünür.

Fəsillər dolaşıq düşüb elə bil,Yaz başa varmamış, yay gəlib keçir.Zamanın cilovu əlimdə deyil,Həftə üzülməmiş, ay gəlib keçir.

Həmişə döşünə döyən şairinTəbibdən, dərmandan söz salır bu gün.Dünən qocalmaram deyən şairinQocalır, ay dağlar, qocalır bu gün.

Use ← → keys to move, R for a random poem

Random poem

More by this author

Poems by other poets