Kəhərin son günləri
Bir zaman yeriyəndə yer titrər, kişnəyəndə göy gurlardı. Hanı vuruşma meydanları, hanı ötüşmələr, hanı igid süvarilər, pəhləvanlar, qılınc, qalxan şaqqıltısı!?
Çiynimdə Rüstəmi Rüstəm eləmişəm, Suvorovu Karpatlardan keçirmişəm, Koroğlunun silahdaşı olmuşam, Napoleonu yer üzündə gəzdirmişəm, süvari ordusunda neçə-neçə cəbhələr yarmışam, hünərlər göstərmişəm. Gör indi iş hara çatıb ki, məni gətirib əyləncə arabasına qoşublar, cilovumu uşaqların əlinə veriblər...
Ay namərd dünya! Mənə etibarsız deyirdilər, gör indi hər qamçısında on addım sıçradığım süvarilər halımı soruşur ki, kəhər necə oldu, harada qaldı?..
Kəhərin ürəyindən keçən həsrətləri, deyəsən, sovxoz müdiri eşitmişdi. Tülkülük fermasının təsərrüfatçısını çağırdı:
– Tülkülərə sabah nə verəcəksən?
– Srağagün şəhərdən iki yaralı at gətirmişdim, yeyib qurtarıblar.
– Kəhər də işdən düşüb, qoşulmağa taqəti qalmayıb.
– O, tülkülərin naharını görər.
– Apar doğra, qoy yesinlər!
Səhərisi kəhərin hər parçası, hər sümüyü bir tülkünün dişlərində çeynənirdi. Kəhərin hər parçasından bu şikayətlər səslənirdi:
– Rüstəmi Rüstəm eləyən mən, Suvorovu Karpatlardan keçirən mən, Koroğlunun silahdaşı olan mən, Napoleonu yer üzündə gəzdirən mən, tülkülərə yem olan da mən!.. Ay namərd dünya!
Tülkülər bu şikayəti eşidirdimi, eşitmirdimi, o məlum deyil. Məlum olan budur ki, kəhərin ətini çox iştahla yeyir, sümükləri tərtəmiz eləməmiş əl çəkmirdilər.
Kitabxana.az · https://kitabxana.az/en/works/mir-celal-keherin-son-gunleri
Use ← → keys to move, R for a random poem
More by this author
Bu da bir azardır. Biri içkiyə, biri qumara, biri nərdtaxtaya, biri rəqs meydançalarında oynamağa, biri quşbazlığa, biri futbola qurşanır.Mən də ovçuluq azarına tutulmuşdum. Havada quş uçanda pişik kimi diksinib atılırdım. Başımdan ağrı tuturdu: "Bay, səni yanmayasan!"
SərxoşlarGəncə şəhəri və stasyonunda sərxoşlar gecə yoldan keçənləri rahat burakmıyorlar.*Əla ya əyyühəs-saqi dutub dünyanı sərxoşlar!
Məscid büsatıYetişdi mövsümi-matəm, göz aç, ey şiə, yatmaqdan,Usanmaz şiə bu ayda nigarə qaş-göz atmaqdan.
İmperyalistlər Tanca üzərində boğuşurlarYurdumuzu müstəmləkə bəhrilə abad eyləriz,Meydan oxur aləmlərə, zor və hünər yad eyləriz,
Poems by other poets
نکیسا در ترنم جادوی ساختپس آنگه این غزل در راهَوی ساخت
طبع من این نکته چه پاکیزه گفتسهل بُوَد خوردن افسوس مفت
Hər nə kim almaq dilersən, al ilə gəl məndən alHər nə kim almaq dilersən, al ilə gəl məndən al,Aldanıram mən sənə, sən hər necə edərsən al.
TövbənaməSənə zahirdir, ey Hayy, xəbirü dana,Olsa hər mazi və müstəqbil və məxfi peyda,