Bu çöllərin ziynətidi,Körpə quzu, bala ceyran.Nə ola ki, bir dayana,Dildən ərzim ala ceyran.

Getmə gözəllər sonasıUçar könlümün xanası,Dodaqları gül qönçəsi,Yanaqları bala ceyran.

Qaçma aşığın səsindən,Oxur eşqi-həvəsindən,Yayın ovçu gülləsindən,Hüsnünü daldala, ceyran.

Yay sürünü göy çəməndə,Gözlə, düşərsən kəməndə,Baş alıb hara gedəndə,Bax qabağa, dala, ceyran.

Vəliyəm görüm yüz ilə,Sürün durna tək düzülə,Heç insaf deyil üzülə,Qatarından qala ceyran.

Use ← → keys to move, R for a random poem

Random poem

More by this author

Poems by other poets