Səni
Dünya, necə bir gözəlsən,Gələn sevir, bəli, səni.Ala bilmir ağlı çaşır,Düşünürmü dəli səni.
Ağlıkəmlər qəlbə dəyir,Döyür, söyür, qəddin əyir,Zərif insan zər bəzəyir,Zəhmət təri ləli səni.
Dünya malı kimə qalır,Qanlar tökür, canlar alır,Əbəs yerə tamah salır,Sora bilmir zəli səni.
Nə düşünür bilənlərin,Ağlayana gülənlərin,Mənim deyib gələnlərin,Qəti tutmur əli səni.
Mənim deyən dünya mülkü,Özü gedir, qalır kürkü,Nə bilir, nə düşünür ki,Təsvir edə Vəli səni.
Kitabxana.az · https://kitabxana.az/en/works/miskin-veli-seni
Use ← → keys to move, R for a random poem
More by this author
Poems by other poets · Wisdom and advice
Gözüm görcək səni istər kamalə,Bürqeyin üzündən dağıdar Yaxşı,
Gəl yetişBir hökmü-xudanın elmin açarı,Nəzər eylə bu cavana, gəl yetiş.
Qəlbimə axdıGəl, o ala gözlərinə mən olum fəda,Söylə, hardan yaranmışdır səndə bu qayda,
Xabi-qəflətDur, ey qafil yatan könlüm, oyan bu xabi-qəflətdən,Sənə yoxdur səmər hərgiz bu bica istirahətdən!