Laçın qayası
Qabarıq sinəli Laçın qayası,Nə qorxunc, heybətli görünüşün var!Əlçatmaz qoynunda kəklik yuvası,Üstündə qıy vuran laçınlar uçar.
Arxan Alaqaya, Məndilin dağı,Yanında Ağbaba dayanıb qoşa.Buluddan çalmalı Murov yaylağıQarşında Kəpəzlə verib baş-başa.
Daşların altından “pıq-pıq” eyləyənBulağın timsaldır qaynar gözlərə.Dərələr uzanır “gəl-gəl” söyləyən,Ləpəsi sıçrayan dəli Tərtərə.
Yuyar daşlarını məkansız sular,Öpər yanağını səhərin yeli,Hər çiçək fəslində gələndə baharAxar göy sinənə var-dövlət seli.
Ferma çadırları qurulan zamanBaşlanar dağların toyu, büsatı.Sürünü yaylıma çıxaran çobanŞiş qaya üstündən çəkər bayatı.
İnsan nəfəsilə canlanar yenə,Nə gözəl görünər camalın sənin.Dost qəlblər dözərmi odlu hicrinə,Ömür təzələyər vüsalın sənin.
Çəmənlər içində – yanında evinİməkləyən körpə toplayar çiçək.Səhərlər meşəyə gedən qız, gəlinQayıdar qabında moruq, çiyələk.
Yüz tüfəng tuşlansa süzən qartala,Duyğusuz ovçunun qaşı çatılmaz,Qocalar qəzəblə qışqırar: “Bala,Laçına, qartala güllə atılmaz!..”
Qabarıq sinəli, Laçın qayası,Nə qorxunc, uçurum görünüşün var!Əlçatmaz qoynunda kəklik yuvası,Üstündə qıy vuran laçınlar uçar.
Laləli, nərgizli zümrüd sinəniPalıd meşələri dövrəyə almış.Çox yola salmısan gəlib keçəni,Zamanın zərbindən başın ağarmış.
Palıd ağacından qopan səs, hənir...Laçınlı, buludlu, qalalı dağlar...Bu möhtəşəm lövhə bilsən nə deyir:“Burda babaların ocaq yeri var...”
İgid nəslimizin əzəmətidirMəğrur görünüşü bu gözəl dağın.Yenilməz vüqarı, şan-şöhrətidirDünənli, bugünlü qəhrəmanlığın.
Kitabxana.az · https://kitabxana.az/en/works/qasim-qasimzade-lacin-qayasi
Use ← → keys to move, R for a random poem
More by this author
Poems by other poets · Nature and spring
Bir kəs ki, qəm düçarı ola, ağlar, ağlamaz?Ənduhu qüssə yarı ola, ağlar, ağlamaz?
SəndədirGetmənəm obağdan, çıxmasın adın sənin,Söylənməsin heç bir yerdə yeməli zadın sənin,
ƏzizimƏzəl səni sevdim, sonra ayrıldımOldu mənə müşkül hallar əzizim
YaşılMən yaşıla vurğunam, sənin yaşıl gözlərin,Yaşıl gözəlliyidir baharlı gündüzlərin.