Heyif
Bu ulu millətin qanı müqəddəs,Qılıncı müqəddəs, qanı müqəddəsBəs niyə dəyişdi, hansı müqəddəs?!Heyif, Məmməd Araz, çağlarımıza!
Alagöllər boyu şığıyan kimdi,Çəmən hanasını toxuyan kimdi,Yazılı daşları oxuyan kimdi,Daşdan qaynar-qaynar çağlayan kimdi,Pəri Çınqılında ağlayan kimdi,Bir simdə min sirri saxlayan kimdi? –Heyif, Məmməd Aslan, dağlarımıza!
Qoşa körpülərin daşındı, daşı,Ziyarət dağının əyildi başı,Silah tuta bilmir heykəl qardaşın,Heyif, Sabir Əhməd, sağlarımıza!
Şuşanı itirib susuz qalıbsan,Dəstgahın qırılıb, ruhsuz qalıbsan,Kişi dövranından qalma qalıbsan,Heyif, Firudin bəy, ahlarımıza!
Kimsə bilməyəni şikəstə bilir,Allaha yol çəkir Qədirin zili,Yandı Xudu yurdu, susdu Mərzili,Heyif Həsənoğlu Şahlarımıza!
Hanı Kürdoğlunun İşıqlı dağı,Ağa Laçınlının ata ocağı,Sultan bəy yurdunda Akop ulağıHeyif Eldar Baxış, “Qalx!”larımıza!
Qoşa minarələr – daş şamlarımızSəslərkən, yatdımı adamlarımız,Qara günə qaldı Ağ damlarımızHeyif, Aqil Abbas, bağlarımıza!
Bayram müəllimin Cıdır düzü yox,Familin, Şahmarın sakit sözü yox,Zeynal müəllimin dost məclisi yox,Heyif qızıl güllü tağlarımıza!
Xalqım! – deyə-deyə divanə gəzdin,Xalqın qulağına haqq deyən səsdin,Sən haqqı bu qədər dönük bilməzdin,Heyif, Rüstəmxanlı, haqlarımıza!
Kitabxana.az · https://kitabxana.az/en/works/sabir-rustemxanli-heyif
Use ← → keys to move, R for a random poem
More by this author
Poems by other poets · Homeland
Düşdü yadıma kecən gunlərim, əfsus olsun,Bizi məyus edən dəhrdə məyus olsun.
BahalıqSaldı heyhat cahan mülkünə şöhrət bahalıq,Bir para xalqa verir xeyli əziyyət bahalıq.
Gül kimi yüzüm əgərçi, şadü xəndandur mənümGül kimi yüzüm əgərçi, şadü xəndandur mənüm,Lalə tək bağrımda hər yan daği-pinhandur mənüm.
GərəkdirAşıq olub, tərki-vətən olanın,Əvvəl, başda pür kamalı gərəkdi.