A beymürvət, məni candan eylədin,Göründü gözümə a yağı zülfün.Baş dayanar, qəhri çoxdur dünyada,Toxunsa yandırar ayağı zülfün.

Fərhad cəfa çəkdi Şirin yerində,Ürbah dura bilməz şirin yerində.Şirin ixtilatın şirin yerindəQatdı şərbətinə ay ağı zülfün.

Köçdü yaylaqlara qarabağlı yar,Əsər gədikləri qara bağlıyar.Dost ayrılsa dostu qara bağlıyar,Çəkər al üstündən ay ağı zülfün.

Abdullayam, yönüm düşdü hər yana,Pərvanətək eşq oduna hər yana.Siyah zülfün san çəkibdir hər yana,Coşub əbru kimi a yağı zülfün.

Use ← → keys to move, R for a random poem

Random poem

More by this author

Poems by other poets · Love